女歌手蔚雨芯（Rainky）早前參與音樂微電影計劃，在短片《不懂說》中一人分飾兩角，扮演女版大雄及人形多啦A夢，劇情講述大雄想追男仔要多啦A夢幫手，期間發生不少趣事。

Rainky分別扮演「傻氣大雄」及「性感多啦A夢」，演出令人驚喜。

Rainky戴上圓框眼鏡扮大雄時表情傻更更，演多啦A夢時則戴上藍色假髮、穿上褲仔及襪帶，散發不經意的性感，剪接後兩者更有對手戲，相當搞笑，引來Fans激讚！

Rainky笑言覺得造型太Cute，自己也「頂唔順」：「哈哈！睇番都打冷震！（有感情事都會搵人求助？）呢樣就唔似個角色，我感情事好獨立唔使人幫，不過都想身邊有個叮噹，最想要竹蜻蜓可以周圍飛，又或者要個隨意門！」