影帝黃秋生及歌手張敬軒將合演著名舞台劇，秋生表示今次難度甚高，大讚後輩軒仔超有天分，原著中軒仔的角色有全裸戲，秋生笑言香港明星「唔除過衫唔紅」，軒仔有望「一脫成名」！

秋生大讚軒仔演舞台劇有天分，有機一脫成名。

軒仔笑言秋生有教冇鬧，令他盡情發揮演技。

「哈利仔」丹尼爾演此角時亦正面全裸，一改乖仔形象。

黃秋生及張敬軒將重新演繹全球著名舞台劇《Equus馬》，劇中軒仔飾演戀馬成狂的17歲青年，與方皓玟有火辣情慾戲份。原著有不少裸露場面，年前「哈利仔」丹尼爾烈格夫演此角時更正面全裸，令人期待軒仔今次的性感尺度！至於秋生則飾演精神科醫生開導軒仔。

舞台技巧遮掩

演出經驗豐富的秋生認為此劇難度超高，幾乎全程近四小時都在舞台上的他體力要求大，對白亦沉重繁複：「今次好難，成個台要好配合，音樂感又好重，加入大量形體動作和舞蹈。」自認是「半途出家」的軒仔表示對他來說更難，問到對住嚴格的秋生會否害怕？他笑說：「佢唔惡嘅，有教冇鬧，我都話唔鬧得點學人拜師學藝。」秋生即大讚軒仔出奇地有天分，但不想讚得太肉麻：「有啲嘢呢個年紀唔應該出現，但佢得！」秋生又若有所指地說：「其實點解要鬧人？如果佢心不在焉鬧都冇用，有心又點解要鬧？我鬧嘅人通常當佢一舊廢物，阻住我，我就兜腳踢開佢。（近排有冇踢？）周街垃圾啦！」

提到原著軒仔的角色需裸露，秋生表示此劇情相當重要：「舞台上好多技巧遮，而且範圍又唔係好大！（笑軒仔小？）唔大唔等於小！咁如果大家諗住有裸跑，就一定唔會，咁好影響個劇，個戲仲有好多賣點，唔好當色情戲睇！（你有冇裸戲？）我以前做過啦！你鍾意睇阿伯裸露？我都冇辦法！香港有名嘅演員個個除過衫，唔除唔紅呀！」得聞有望「一脫成名」，軒仔亦笑言全裸冇所謂，屆時會與同場多位男演員鬥騷肌，問到會否積極收身？他說：「近排不停運動，咁我演17歲青年，有線條就OK，唔使太大隻。」