名模Mandy Lieu近日「踩入」電影界，在新戲《盜馬記》中化身冷艷女殺手，實行全力追殺影帝梁家輝！

Mandy被新戲的強大「卡士」吸引，笑言布景板都不介意做。

Mandy遇到喜歡的對象，會主動出擊。

Mandy在新戲中追殺梁家輝（左二）之餘，更與祖藍（右二）有咀戲。

演殺手的Mandy認真Cool爆。

於電影《盜馬記》中飾演Cool爆女殺手的Mandy表示，追殺影帝梁家輝期間被王祖藍「阻住晒」：「我會喺戲中不停追殺家輝哥（梁家輝），但『阻住晒』嘅王祖藍會令我面對好多阻滯！」她又大爆與王祖藍臨時加「咀戲」：「我事先唔知，但諗到個效果會幾搞笑，所以臨時加咗場咀戲！」

談到她參演的原因，她自爆被強勁的卡士所吸引：「我本身係導演嘅Fans，況且作為新人去拍戲，好難得同到咁多天王巨星合作，有影帝家輝哥、天后Kelly（陳慧琳）同偶像伊健！面對咁嘅『卡士』，叫我做布景板都會做！（與猛人合作會否有壓力？）冇一秒Feel到壓力，佢哋好包容我。（準備好下次做女主角？）當然！如果有機會嘅話，我會盡200%努力去做！」她又大爆拍戲期間有餐車隨行，令一眾演員齊齊增磅：「餐車上面咩都有得食，例如牛扒、雞扒同各種小食！我哋每日唔止食三餐，食到個個都肥晒，我都重咗幾磅呀！」

Welcome愛情

問到身兼模特兒公司老闆娘、模特兒及演員的她會否忙到冇時間拍拖？她即說希望愛情搵上門：「非常Welcome，如果遇啱，我仲會特別爭取！（可能閃婚？）唔排除會，不過我唔急結婚生仔！」