劉浩龍日前接受電台訪問時大談與女友容祖兒拍拖後的相處點滴，承認公開戀情初期很大壓力，又希望能早日生兒育女做爸爸。此外，他又爆曾因食死貓而離開電視台。

劉浩龍自稱是一個傳統的男人，希望早日生兒育女。

劉浩龍與祖兒感情穩定，唔知幾時拉埋天窗呢？

劉浩龍（左）日前接受電台訪問，大談愛情觀。

劉浩龍日前接受電台訪問，談到他自2012年公開和樂壇天后容祖兒拍拖後，外界對他倆的關係並不看好，時至今日仍不時有相關的負面報道，他覺得不少報道都屬無中生有，並坦言傳媒給他很大壓力：「起初真係有唔開心，但後來諗清楚都只係報道，呢個世界太多雙重標準，關係入面亦唔存在公平與否，總之我做好自己本分，其他人點講我控制唔到。」

即使被指關係女尊男卑及樂壇地位不及祖兒，但他說：「我覺得冇關係，我哋財政獨立，最重要係對自己有信心，其實我唔太介意。」至於有否計劃組織家庭？他暫時沒有結婚打算，但也希望擁有下一代：「冇諗過幾多歲會生兒育女，有啲事情要嚟就嚟，好似我突然拍拖都預料唔到！」他與祖兒因電影《Diva華麗之后》結緣繼而相戀，原來師兄透露早於入行前已認識祖兒，又表示最欣賞她勤力，做事堅持及有毅力。

難忘食死貓

談到工作，入行十多年的師兄在樂壇、電視及電影圈都經歷過不少，回憶起令他最失意的必屬當年於電視台曾在劇集中做過無數次「路人甲」，更試過被導演取笑：「你唔係上年新秀冠軍咩？做咩咁折墮？」而令他感到難受的是有一次被導演誤認做另一位偷懶沒跟演員對戲的新人，因而被記小過。事實上，當時師兄的角色沒有任何對白，慘食死貓的他跟公司高層解釋導演誤中副車，但換來對方說：「記咗過就係記咗過，你食咗佢啦！」而這是導致他離開電視台的主因。