《EYT 2014好友聯歡》晚宴前晚在尖沙咀舉行，筵開16席，汪明荃（阿姐）、鄭少秋、蔡和平、周梁淑怡、森森、斑斑、杜平、俞明及胡楓等昔日《歡樂今宵》台前幕後近二百人敍舊慶祝。未能出席的陳百祥則貢獻獎品供抽獎，杜平負責抽獎時作弄胡楓說：「胡楓……係胡楓嗰枱有人中獎啫！」胡楓則扮嬲說：「點解唔係我中獎？」其後眾人拍攝大合照及合唱《歡樂今宵》主題曲歡度一晚。

阿姐與老友陳欣健難得聚首即雞啄唔斷。

昔日EYT的一眾藝員齊齊捧場及狂歡一晚。
左起：蔡和平、周梁淑怡、杜平、汪明荃、斑斑、森森、鄭少秋、呂珊

當年EYT乃經典節目，無數的台前幕後均有份參與，極具霸氣！

EYT之父蔡和平接受電話訪問時透露適逢今年入行五十周年，故構思年底到星馬舉行EYT演唱會試水溫，希望每年舉行一次直到2017年EYT五十周年，至2017年將EYT搬上紅館或會展舉行演唱會大事慶祝。而阿姐接受電話訪問時說：「幾年之後嘅事，都未知到時嘅工作計劃，但當然會支持，睇大家嘅意思，今年星馬就應該唔得！」陳百祥則笑說：「係人都知除咗阿姐之外，我唱歌就最叻，到時一定支持！」