張栢芝昨日凌晨為電台節目擔任嘉賓主持，被封為「女神」的栢芝笑說：「老女神呀！依家楊穎係女神，不過林青霞同張曼玉先係我女神！」
張栢芝與好友Rick Chin到電台為節目擔任嘉賓主持。
率直的栢芝自爆出席梅艷芳最後一個生日會時曾痛斥梅姐：「嗰時佢身體唔得，梁家輝講明唔可以畀佢飲酒，所以全晚我都幫佢頂酒，結果梅姐當住百幾人面前鬧得我好犀利，因為我堅持唔畀佢飲，結果佢都照飲，我咪話佢，雖然後輩唔應該咁，但我係真心關心佢嘅！」
