張智霖（Chilam）相隔3年再踏紅館開個唱，暫定7月6至8日演出3場，獲超過10個廣告商贊助，上至名錶，下至健康食品「一應俱全」，可謂由頭「被包」到落腳，製作費合共加碼千萬！Chilam日前拍攝演唱會海報：「演唱會唔一定淨係唱歌跳舞，可以同觀眾多啲交流，所以今次定名『Crazy Hours』！我承諾會同大家過瘋狂嘅一晚，化身獎門人大派禮物，抽唔到上台玩遊戲嘅，起碼都有罐飲品拎番走吖！」

張智霖日前為演唱會拍攝宣傳海報。

演唱會將於日內展開優先訂票，對於內地日前瘋傳正式預購一事，他呼籲大家多加注意：「透過銀行或者Fans Club買票就最穩陣。」而紅館騷仍未開始，已有海外製作單位誠邀他舉行全球巡迴演唱，倘若完成所有演出，Chilam的收入將增添多「幾個零」！