楊千嬅與老公丁子高昨晚齊齊現身，身為東華三院大使的她特別前來支持，還身穿露背裝性感示人。問到囝囝Torres的近況？千嬅說：「佢都係繼續咁得意，繼續喺屋企，喺佢嘅世界入面。主要都係媽咪睇住佢，因為我上個禮拜都好多Show，直到今個禮拜先有得休息吓，可以帶佢返學，做番家庭主婦。」

老公傍實現身，難怪楊千嬅露背撐場如此性感！

馬鴻銘有心再追小朋友，蔡加敏話夠晒數。

而「玩具大王」蔡志明女兒蔡加敏及老公馬鴻銘被問到弟弟蔡加讚快為人父，有否買定甚麼禮物給BB及傳授湊仔經？馬鴻銘說：「一定！禮物就慢慢諗。（知唔知佢哋鍾意仔定女？）唔知。」在旁的蔡加敏即說：「第一胎冇所謂，仲有時間。（汪圓圓佗B唔舒服？）起初有嘔，但依家好啲。」至於他倆有否興趣再追？蔡加敏自言夠晒數，但老公卻說：「順其自然，都有三個，唔係，係四個至啱。」