藝人馮寶寶及石修昨日到長沙灣出席長者活動,長居馬來西亞的寶寶說:「我有乜資格講馬航事件?但遲遲唔公布,叫家屬點處理感情?(唔會搭馬航?)唔使,我自己識飛!我係飄紅!(家人擔心你成日坐飛機?)我咪係我屋企人!唔好拖我屋企人落水。」

寶寶笑稱識飛,因她是飄紅。

寶寶與石修齊齊出席長者活動,認真有善心。

而石修則大爆往事:「當年拍戲,寶寶捉我去布景板後面唱歌,做乜事呢?」寶寶即說:「你唔好自作多情,我夢中情人另有其人。你細個都唔型,後來至型,你睇你粒鈕扣到幾低!」令石修哭笑不得。此外,問到會否考慮返無綫?他說:「睇緣分,我冇為自己設界線。」