歌手楊千嬅、羅力威、許廷鏗(Alfred)及藍奕邦昨日出席音樂會記者會,Alfred和羅力威異口同聲多謝千嬅紆尊降貴與他們Crossover表演,千嬅說:「同佢哋冇代溝,仲會交流吓潮語、音樂、養生同談吐。」談及杜汶澤激嬲容祖兒一事,千嬅說:「同阿澤合作過,佢講嘢風格比較大膽,但我就冇被得罪過,可能因為我把口都唔輸蝕,樣又比較烈女。」至於若代入祖兒的角色會怎樣?她說:「唔可以代入,可能佢有其他經歷或者原因。」

羅力威(左起)、千嬅、藍奕邦及許廷鏗齊齊出席記者會。