「亞洲瘦身女王」鄭多燕下月來港開騷教觀眾大跳自創瘦身舞！下體失策現形的她自嘲是「走音常客」，故屆時不會唱歌。

鄭多燕示範跳瘦身舞，不經意大騷事業線。

鄭多燕（中）、小寶（左二）及阮兆祥（右一）等齊齊搣甩Bye Bye肉！

現年47歲、由肥師奶變為瘦身女王的鄭多燕，昨日與「至Fit三人組」阮兆祥、陳嘉佳（小寶）及楊詩敏（蝦頭）出席《ageas富通保險呈獻：鄭多燕萬人熱辣Show》記者會，宣布下月來港開騷。以黑色貼身運動褲上陣的鄭多燕，下體有少許現形，認真失策！而她謙稱身材在亞洲不算靚：「所以對稱號都有壓力，不過冇人一出世身形就靚，我身材都係靠自己努力得番嚟！」她又希望個人騷有演唱會效果，但自爆不會開金口唱歌：「我係高音不可，唱唱吓高音就會去到尾音，我成日教人跳舞講One Two Three個Three字都會走音。」

讚譚校長體力好

談到譚詠麟曾在演唱會上大跳她的瘦身舞，鄭多燕表示未有跟譚校長聯絡過，但笑言有看過並有下載他的表演片段：「睇佢嘅動作都係經常做運動，佢有好後生嘅體力，好鍾意佢嘅熱情，要堅持做好所有嘢。」