懷孕三個多月的呂慧儀前晚本來與老公及友人出外吃飯，豈料撞正冰雹雨，她在微博留言：「結果與朋友在家吃，因街上實在太危險了。」昨日她接受電話訪問時坦言：「第一次見到冰雹，勁恐怖，成粒石春咁大！好彩冇整親，老公負責揸車，我就好似老佛爺咁喺隔籬。」呂慧儀表示老公相當緊張，叮囑她橫風橫雨不要出街：「個天都唔畀我出街。」

呂慧儀外出用膳時見滿地冰雹，即打道回府以策安全。

而梁烈唯昨日出席活動時坦言前晚因肚痛留家，缺席朋友的生日派對：「露台呯呯嘭嘭咁響，見到波子咁大嘅冰雹，融咗之後仲搞到露台水浸，有商場玻璃穿咗，初頭仲以為係假，好似世界末日咁！」