混血女模Jessica C.（JC）昨日與好姊妹Ana R.到中環逛名店，穿上熱褲及短裙騷腿現身，齊齊戴黑框眼鏡來遮掩素顏。兩人先走進一間名店睇鞋，店員即送上新一季的小冊子作推介。向來十分慳家的Ana，當日竟爽快地扑錘購入一對平底涼鞋，相反JC心大心細，試來試去都揀不到心頭好，在旁的Ana見狀即上前給予意見，最後還做埋阿四幫對方攞遮，奈何JC睇一輪都是「混吉」冇幫襯。意猶未盡的兩人轉往附近超市搵食，逗留約20分鐘，選購了一些健康食品。

Jessica C.（右）有好姊妹Ana R.幫眼，但仍揀唔啱心水鞋。

Jessica C.（左）與Ana R.各自拿着購物籃分頭搵食。