早前一條疑似香港藝人金剛的「春宮片」流出，搞到他急急澄清，無非想向女友陳蕊蕊派定心丸！最近他在新戲《台北夜蒲團》中更惜肉如金，知道演同志不用近女色才肯拍！

金剛（中）飾演同志大佬，對手下剝衫跳舞甚嗒糖！

金剛被錢國偉（前排）踢爆「戒女」，向女友派定心丸。

金剛與蕊蕊拍拖後變乖，還見埋家長！

《台北夜蒲團》有不少「夜蒲女」，但金剛也不為所動。

雖然已澄清並非「春宮片」男主角，但金剛在錢國偉執導的電影《台北夜蒲團》中，卻有意識大膽的情慾戲！

被爆見埋家長

因屬喜劇關係，戲中的金剛演同性戀取向的社團大哥，日前拍攝一場講述夜蒲女為他跳艷舞的場面，非常香艷，但劇情卻講述金剛未有垂青一班艷女，反而對男生嗒糖，最後一班男手下個個剝剩三角褲，爆肌大跳「鋼管舞」來博取他的歡心，場面搞笑。

扮演同性戀大佬的金剛，造型密實，只露出一雙飛毛腿，與爆肌男反差甚大！導演錢國偉解釋金剛為女友改變戲路，搞到現時惜肉如金：「之前網上瘋傳嗰條春宮片，入面個男主角點會係金剛呢？佢識咗蕊蕊後變得好乖，仲為女友改變戲路，我搵佢拍《台》片，佢都要知呢套片係做（同志）先肯接，因為唔使接觸女性，講明唔可以有攬錫場面！（咁守身如玉？）直情係惜肉如金喇！佢話依家有兩個女人睇得佢好緊，一個係女友蕊蕊，另一個係樂易玲。（蕊蕊探班？）唔使啦！佢哋成日過嚟（台灣）見家長啦！」