組合草蜢昨日舉行《BE THREE GRASSHOPPER IN CONCERT》記者會，獲好友林嘉欣、張智霖（Chilam）及黃子華撐場，但穿黑色長裙的嘉欣卻透出黑色Bra及內褲搶鏡！至於獲比堅尼女模陪同進場的蔡一智，在老婆面前「硬晒軚」，當記者叫Chilam企埋女模身邊合照時，他即大呼：「想我死啫！」而阿智受訪時大爆Chilam每場落訂300張飛，並笑指懷疑他拎去炒！提到祖兒日前鬧爆阿澤一事，阿智笑說：「祖兒嚟睇會開心，阿澤嚟睇會平和！」

阿智（右）遇性感女模即「硬晒軚」，Chilam的情況似乎亦不太樂觀！

畀面撐場的嘉欣大施透視誘惑，子華（左）及阿智則左右護法傍到實。