緋聞男女陳智燊及宋熙年昨日「拍住拖」出席活動，擔任司儀的宋熙年慘被「男友」踢爆生活習慣「呢啡」，二人又公然打情罵俏，十足鬥氣冤家！

有潔癖的陳智燊昨日踢爆宋熙年為人「呢啡」。

敖嘉年、宋熙年

一眾藝人出席戒煙活動，其中許亦妮（圖）表示不會與有體味及食煙的男士交往。

緋聞男女陳智燊（Jason）和宋熙年（Sarah），昨日聯同許亦妮及敖嘉年出席節目《戒煙大贏家》記者會，聲沙的Sarah表示因喉嚨發炎導致失聲5日：「之前仲要肚屙，呢排身體唔係幾好。」身為「男友」的Jason未有護花之餘，更大爆「女友」平日甚不整潔：「佢一向有少少『呢啡』，可能呢排佢喺出面食錯污糟嘢！」Sarah反指Jason有潔癖，並反駁平日有注意衞生：「係唔好彩啫！」

而「爆上癮」的Jason續指宋熙年冇手尾：「平時佢喺公司化妝間都將啲嘢周圍放，一個人霸咗半張化妝枱，真係冇乜手尾！」當被笑指夫妻通常都「一凹一凸」時，Sarah即扯開話題講戒煙：「我好抗拒人食煙！（Jason唔食煙？）呢個都係佢嘅優點！」

最怕男人有體味

另外，玩遊戲時「烏身」露事業線的許亦妮透露，曾發現追求者及初相識的男士身體有惡臭，有潔癖的她因而拒絕再來往：「啲煙味好似炸藥味，亦好怕個身有陣臭肉味，雖然唔會話拒絕，但會喺自己張List剔走佢哋！」