型男古天樂（古仔）與內地女星高圓圓前日現身瑞士巴塞爾珠寶鐘錶展，出席由其代言的腕錶品牌記者會，吸引逾百傳媒採訪，場面墟冚！ 　

工作不斷的古仔遺憾未能於巴塞爾四處暢玩。

悉心打扮的圓圓指腕錶的設計靈感來自音符，感覺浪漫！

娜奧美屈絲與艾力賓拿畀面撐場，並識做地大讚品牌設計。

今次是古仔第四年代言該品牌，對於有指新合作的代言價高達千萬元，古仔聞言未有直接回應：「唔一定要講錢，品牌仲贊助咗我嘅電影同做咗好多慈善工作。」他透露會逗留巴塞爾四天，但因忙於出席活動及拍攝廣告硬照，故未能四處觀光，問到是否想放一個悠長假期，他稱暫時未有機會，因工作已排至明年，難怪問到何時是最美好的時光？古仔想也不想便說：「最好嘅時光係喺屋企瞓覺。」今年是古仔入行20年，問到會否有意重演經典角色楊過？他愕然地反問：「點解要再演？唔會啦！」

處男設計腕錶

而高圓圓日前出席北京活動時，穿上韓劇《來自星星的你》中「千頌伊」的服裝，她說：「有睇套劇，亦都留意到，嗰件衫係品牌送畀我，本來唔敢着，因為全智賢之前着過，後來我攞出勇氣嚟，覺得效果唔錯！」此外，古仔與圓圓各自為品牌設計一款慈善限量版腕錶，古仔透露靈感來自攝影：「我好鍾意影相，但相機蓋成日唔見，於是將相機蓋構思放喺腕錶上，第一次設計覺得好開心、好滿足！」

另外，荷里活女星娜奧美屈絲（Naomi Watts）及男星艾力賓拿（Eric Bana）昨日以BVLGARI大使身份現身巴塞爾珠寶鐘錶展，出席品牌全新女裝腕錶系列的發布會及派對。