歌手謝安琪（Kay）昨日在灣仔出席微電影創作大賽頒獎禮，她表示早前到上海拍微電影，又自爆很快可以「升呢」做導演：「嚟緊會去台灣拍我眼中睇到嘅台灣，咁我成日去台灣工作，又成日同台灣市民接觸，所以想拍自己嘅感受同眼中台灣嘅精彩，睇吓將來有冇機會喺影展睇到。（咩演員？）未定，我諗會用寫實啲嘅手法，四、五月之後先拍。」至於會否找老公張繼聰參與，她表示想題材貼近台灣，加上老公忙，未必請到：「佢好享受依家嘅工作生活。（頻頻騷肌？）自己少運動，好佩服佢咁努力操，兩、三點去跑步。（佢喺屋企成日唔着衫？）唔會，驚冷親。」

活躍公仔箱的「老爺」岳華，與謝安琪甫見面即握手示好。