藝人蕭正楠與港姐蔡思貝前日到觀塘拳館跟冼灝英師傅學藝,為無綫新劇《商戰》練習泰拳,將於劇中騷肌的蕭正楠透露減肥操肌已有小成果:「但朝早會因為肌肉痠痛而痛醒,去廁所仲好似阿伯咁要扶住,企唔穩!(有六舊肌未?)四舊咋!遲吓可能有!」而蔡思貝將飾演拳館女掌門,外形「嬌滴滴」但武功高強,令劇中的蕭正楠大跌眼鏡:「佢係貪玩死仔,畀我兩三下搞掂!」二人透露有感情戲,無懼緋聞「打得火熱」!

蕭正楠與蔡思貝首次練拳,有板有眼。