鍾欣潼（阿嬌）前晚到深圳出席《QQ音樂年度盛典》後，昨日再跟洪卓立應邀出席「無形．覺囊唐卡藝術展」佛教藝術品展覽的開幕儀式，二人一直篤信佛教，其中阿嬌不諱言因床照事件後，靠信仰重新振作：「令我冇咁唔開心，可以慢慢釋懷。」問到洪卓立女友湯怡可跟他一樣信奉佛教？他笑說：「佢咩都信o架！」阿嬌即取笑他：「你講咩佢都信o架啦！」提到韓籍舊愛權寧一被傳戀上韓國女子組合少女時代成員Jessica，阿嬌先反問記者：「唔係認咗喇咩？我唔知呀！淨係收到風話佢哋一齊夜蒲然後又跌親咁！」坦言已沒有和對方聯絡的阿嬌不評論他們的事，問到會否送上祝福？她說：「如果係真，咪祝福佢哋！」

阿嬌在頒獎禮上奪獎，開心不已！

阿嬌與洪卓立出席佛教藝術品展覽開幕儀式。

另外，阿嬌的經理人霍汶希在微博上載一張阿嬌手執花球的照片，引發新戀情傳聞，阿嬌說：「我依家感情空白，冇對象、冇追求者，嗰張相係我出席舊同學婚禮影，我已經第二次執花球，冇咩感覺。」