藝人方力申、黃百鳴及徐靖雯等昨日出席《Xyber Force世霸潛能體驗館》開幕禮，小方透露下月將露上身拍廣告，故現正努力健身減去十多磅，問到會否Show 8舊腹肌，他笑說：「8舊從來都冇，但Promise會有6舊同人魚線。（酬勞？）都好，雖然男仔露冇女仔咁值錢！」問到女友鄧麗欣（Stephy）會否先睹為快？他說：「冇，百年冇人見過。（讚過你身材好？）冇人讚過我身材好，我一向身材唔好，我有體能但冇樣睇，以前游水都冇依家咁大隻，因為我唔做Gym淨係游水，依家我成日照鏡！」

方力申（左）及黃百鳴結伴出席開幕禮。