Moiselle太子爺陳柏熹前晚駕駛火紅辣跑現身中環，行駛途中跑車突然死火，一臉無奈的他只好坐在路邊石壆打電話求救，及至友人前來「救駕」，兩人才合力將車推往較安全位置，陳柏熹更推到面容扭曲！

陳柏熹（左）與友人落力推車，陳柏熹更推到面容扭曲！

陳柏熹（左）推車推到抓晒頭，唔通兩個大男人都搞唔掂？

陳柏熹坐在路邊石壆打電話求救。

陳柏熹與友人準備乘車離開。

前晚深夜時分，時裝品牌Moiselle太子爺陳柏熹駕駛其落地年多的火紅色「波子」跑車現身中環，行車期間突然「死火」，停在信德中心附近的路邊，一身便服打扮的他下車後一臉無奈，坐在路邊的石壆上不斷打電話求救，現場車來車往，等候了十分鐘後，陳柏熹開始苦中作樂，取出電話幫愛車拍「死火照」留念。

未幾，其友人駕車前來相救，友人上前檢查一番後，兩人便夾手夾腳推車，只見陳柏熹推到面容扭曲，狀甚辛苦。由於現場路面比較繁忙，他倆推車時可謂險象環生，及至將車輛安置在安全的位置後，陳柏熹才登上友人的車離去。

未食飯推唔郁

記者昨日致電陳柏熹，問到「死火」事件，他說：「尋晚啱啱做完運動，好攰又未食飯，點知架車死火，加上我停車位置路面好爛，仲喺正垃圾站旁邊好臭，所以咪搵朋友嚟幫手，我都Call咗司機幫我處理，其實今日已經可以用得番架車，不過都係時候要檢查吓，睇吓啲零件有冇問題！」