歌手姜麗文透露近日工作不斷、豬籠入水，目前是自資歌手的她正與唱片公司洽談中：「其實都傾到99.9%，好想快啲同大家宣布。（會唔會再同哥哥姜文杰合作？）暫時都係Solo做唱作歌手。（會唔會同緋聞男友鄭俊弘合作？）想寫歌畀佢，但佢可能已經揀好晒歌，佢新歌好好聽。上年我寫咗歌畀陳奕迅同陳慧琳，希望再有歌手唱我寫嘅歌。」

姜麗文坦言想寫歌給緋聞男友鄭俊弘。

畀面撐場的黃婉曼笑稱一身裝扮似跳芭蕾舞。

藝人黃婉曼則以一身天鵝湖造型的喱士露背裝出席，她表示要開始減肥，並從昨天起開始一連三日的排毒療程：「要連續三日唔食嘢，淨係飲果汁同蔬菜汁，每日飲六支，今日已經飲咗兩支，依家已經開始有少少餓。（想放棄？）今日先第一日，唔可以咁快，第三日先問我啦！但聽講最後放棄嘅話，會功虧一簣！」問到夏天時會否作更性感的打扮？她說：「最好唔好，但要靚就無可避免。」