梁家輝、鄭伊健及陳慧琳（Kelly）前晚現身新片首映，家輝大爆Kelly在布拉格拍外景時使錢有如大花筒，而Kelly則反踢爆家輝滿口「老婆唔使氹」，又大爆「有人成日陪老婆食早餐！」二人由戲內鬥到戲外！

鄭伊健（左）及梁家輝在台上大爆Kelly是個大花筒，令Kelly哭笑不得。

陳法拉希望再與吳鎮宇及張智霖合作。

身穿露背長裙的Mandy Lieu，搶了打扮密實的苟芸慧不少風頭。

苟芸慧

梁家輝、鄭伊健、陳慧琳、Mandy Lieu、苟芸慧及陳法拉等，前晚出席依波路錶冠名贊助的電影《盜馬記》首映。

家輝與伊健均以Bow Tie Look示人，家輝笑言二人是「男神」，更High爆踢爆Kelly在布拉格拍外景時使錢恍如大花筒：「我好知慳識儉，成家嚟晒陪我已經好Happy，仲使乜買嘢？（唔買啲嘢氹老婆？）使乜呀？已經係老婆啦！我教訓過伊健，錢唔係用嚟買啲唔環保嘅嘢，係Kelly教極都唔聽！」

Kelly聞言即睩大眼，勁大反應地反擊：「誇張啦！黐線！我買指甲銼、啤酒、Cream咋，冇名牌，好平！（家輝叫人唔好買嘢氹老婆？）死梗喇佢！唔好話我唔畀Tips佢，買個指甲銼都好呀！佢喺拍攝現場對老婆不知幾好，有人成日陪老婆食早餐添！好Sweet呀！好好味呀！」

法拉望同古仔合作

法拉被問會否與吳鎮宇及張智霖合演新片，她說：「未收到通知，我都想再合作。（驚被飛？）電視同電影係兩樣嘢，鎮宇同張智霖都冇（無綫）合約，電視劇40個鐘乜都拍過，角色好圓滿。（古天樂加入？）古仔好有新鮮感，好期待同佢合作。」

她又指現時仍屬自由身，去向暫時未可宣布，但正洽談拍新電影的計劃。