張敬軒：好可惜！耀榮叔係香港演唱會Icon，早前見到耀榮叔，佢仲講我今年開演唱會又會跟佢合作啦！希望耀榮叔嘅家人節哀！

蔡卓妍：耀榮叔由Twins出道嘅第一個演唱會開始，每個演唱會都支持我哋，年初祖兒演唱會見佢仲好精靈可愛，仲問我哋Twins幾時再開演唱會，拍心口話佢畀信心我！

鍾欣潼：仲記得喺我哋演唱會後台一齊彈起，最後一次見到佢係祖兒演唱會，當時佢仍然精力充沛，好唔捨得呢位咁可愛嘅前輩離開。

吳雨霏：我最近兩次演唱會都係耀榮主辦，每次佢都親力親為到現場打點，佢對樂壇貢獻好大，好值得後輩學習。

張衞健：有佢係香港歌手嘅福氣，遺憾冇同佢合作開過Talk騷，希望有人接佢班！

四太梁安琪：人係咁o架啦，都唔知點解會咁？（對上見佢係幾時？）蔡琴個演唱會，但我哋耐唔耐都有聯絡！

莫文蔚：好開心曾經同張生合作，佢個人好Nice，每次搞演唱會由記者會到慶功宴，佢都會出現，每一晚都會嚟支持，對所有人同後輩都好好。

黃偉文：張生佢好得意，佢認歌手個樣好叻，但認其他人唔叻，過去20年我被介紹過不下200次，但佢都認唔到，直至2012年我有自己演唱會，再見面佢終於認得我！