中日混血主持周子駒（Cyrus）自細已懂得冧父母，扮親孖膶腸和反白眼已令人捧腹，今次他呈獻童年技能，笑爆大家個肚！他先翻下唇伸脷，猶如掛住一雙孖膶腸，接着將眼珠睩向上，成對眼得番白色，十足鬼上身！

周子駒「乸」埋口面扮嬲扮惡，整古做怪。

周子駒伸脷和反白眼，已輕易令人發笑！

玩到癮起的Cyrus扮埋鬥雞眼，加上o依起棚牙，樣子傻勁十足。百厭的他還「乸」埋口面，扮晒嬲爆爆，但始終與本性Nice爆的他差天共地，來一張正常自拍即回復本性！下一輪苦功後，Cyrus笑說：「雖然平時影相好少整古做怪，但我由細到大都好鍾意玩孖膶腸同反白眼，所以頭先扮番呢啲樣，就諗番自己百厭一面，自己都忍唔住笑！」