今日雨僑將出席Live Band音樂會，與逾百名粉絲聚會，其後將與同門師姐HotCha成員Regen及Crystal夥拍兩位師弟李安豪及羅孝勇演出第二及三場音樂會。

雨僑正密鑼緊鼓為本月底推出的個人大碟拍硬照及宣傳。

問到剛加盟新唱片公司就有機會開騷，可感到得寵？雨僑接受電話訪問時說：「我做開荒牛咋！因為我三月底出碟，要配合宣傳先畀我做先啫！（你打頭陣怕唔怕師姐呷醋？）唔會，我同HotCha好熟！」

雨僑又承認簽唱片公司後多了不少唱歌機會，雖然今次並非大型音樂會，但唱片公司非常重視：「除咗安排咗Live Band，我仲自彈自唱韓劇《來自星星的你》嗰首《My Destiny》，希望Fans會鍾意啦！」

而在服裝方面，雨僑坦言雖然不算性感，但所穿的Valery Kovalska品牌價值五位數字：「做九個字騷都有咁貴嘅衫着，唱片公司真係好重視我！」