任達華、蔡卓妍（阿Sa）、孫佳君及女新人岑紫生昨日到元朗出席英皇電影《雛妓》開鏡儀式，英皇老闆楊受成專誠撐場，31歲的阿Sa穿上校服少女味十足，依然Cute爆！華哥及阿Sa飾演一對戀人，並有親熱鏡頭，華哥大讚阿Sa索：「我畀佢搞到面紅，我皮膚咁黑都紅晒呀！其實佢好性感，係有啲身材嘅！」他又笑言要恭喜阿Sa男友陳偉霆（William），相當搞笑！

華哥讚「有啲身材」，阿Sa喜形於色。

楊受成與工作人員一起拜神。

阿Sa得知華哥讚她「有啲身材」後，即雀躍地說：「嘩！我從來冇試過Link到嗰啲字！」她透露片中有大膽裸背鏡頭，問到有否為準備親熱戲而「加操」？她笑說：「我好OKo架！有少少經驗，得閒咪練吓囉！（辛苦咗William？）佢唔喺香港喎！」她又呻拍床戲比打戲更辛苦，幸得華哥帶她入戲。對於杜汶澤與網民罵戰，阿Sa則表示不作回應。