張慧儀單親養仔負擔大

43歲的張慧儀由性感女星搖身一變做慈母，昨日《好報》報道她去年帶着患有先天性心臟病的養子Hanson由內地回流返港，為賺錢養家及兒子醫藥費，除復出拍戲外，還投資開設生活雜貨店，每日都會到舖頭打點，為賺多些，落足嘴頭Sell客。由於她樣貌和身材保養得宜，故甚得同區男顧客的關注，不少男顧客都被冧得即時掏荷包買下大籃細籃零食。慧儀忙完舖頭，便往接愛子放學，她為慳錢而選搭港鐵由深水埗到北角，然後乘船過海回家，又親自到街市買餸，減低出街食飯的開支，實行慳到盡。見她接兒子放學後，即幫兒子孭書包，Hanson替媽咪拿餸菜，Hanson又將餅乾跟媽咪分甘同味，慧儀擔心海風令兒子着涼，細心為兒子的外套拉鏈，足見母子感情深厚。