經常被取笑為「傻大姐」的新人黃欣（Lena）日前挑戰逃脫密室，為自己洗脫「傻更更」罪名！事前她信心爆棚地說：「今次要爭番啖氣，喺限時之內出番嚟！」一講完Lena便急步走入12生肖主題房，眨吓眼就解開密碼！她更懶理走光，瞓身捐窿走入另一間房左搵右搵，發現房內需要紅外線解密，在最後15分鐘衝入尚未破解的密室，挑戰成功！事後她得戚地說：「都話我唔傻！個密室有紅外線同電動機關咁高科技都過到關！雖然一開始要花啲時間搵密碼，但之後大概知點玩就愈玩愈順！」

黃欣經常被友人取笑智商低，今次成功逃出密室，執番身彩！

黃欣為了洗脫低智商之名，不惜捐窿挑戰密室！