名模Mandy Lieu師妹清穗久美子（Kumiko）擁有美好身段，在鏡頭背後，她每星期Keep住做運動維持靚Body。單身的Kumiko笑言唔要搵大隻男朋友，有內涵同健康才是最重要！

Kumiko每星期盡量都會做運動，希望上鏡保持最佳狀態。

做慣運動的Kumiko，每當跑步時都沒有半點倦容，非常厲害！

擔任美容院代言人的Kumiko，不時會到美容院做機，令到收身效果更明顯。

寒冬過後，相信不少人身上都長出肥膏，不過模特兒清穗久美子（Kumiko）似乎就沒有此煩惱。她透露秘訣是要經常做運動Keep住美好身段：「為咗上鏡好睇啲，我已經戒晒肉，仲食得好清淡。如果工作冇咁忙，我盡量都係自己煮，唔想出街食咁肥膩。」她坦言每日都會風雨不改地做運動，她說：「平時我會盡量去健身室做運動，但如果冇時間落去，就會喺屋企做吓簡單嘅活動，好似Sit Up同掌上壓咁。」

愛運動後浸浴拉筋

而講到健身的秘訣，Kumiko即時專家上身分享心得：「跑步要跑得耐啲，不過記得唔好跑咁快，如果唔係就會練咗啲肌肉出嚟。做完運動我習慣去浸浴，咁樣就可以拉番鬆啲筋。」問到Kumiko在健身室有否「艷遇」，她笑說：「多數都係同朋友做運動，我都希望可以搵個男朋友陪我做運動。（搵番個大隻男友？）我唔睇外形，只係睇內涵，最緊要係健康。」