著名唱作人郭偉亮與歌手王梓軒日前獲邀擔任《東網》娛樂onShow嘉賓，除了談音樂說工作之外，原來音樂人亦愛談生活、說說戲。

Eric Kwok（右）落足心機打造新歌，令王梓軒大為感動。

Eric Kwok和王梓軒私下不談音樂，卻愛大談外星人。

與老婆葉佩雯旅行仍掛住為王梓軒寫歌的Eric Kwok認真有心。

郭偉亮（Eric Kwok）與王梓軒（Jonathan）日前獲邀擔任《東網》娛樂onShow嘉賓，當提及兩位音樂人聚首一堂有甚麼話題時，Eric表示原來他們不愛講音樂：「音樂人係唔講音樂，話題都係睇咩戲，去邊旅行，其實音樂人都係人。」而Jonathan則大爆Eric愛「外星人」：「我哋會講吓外星人，佢都鍾意。」雖然話題南轅北轍，但生活上亦總是離不開音樂。Eric透露，早前與老婆葉佩雯（Grace）歐遊時，他在倫敦有五天凌晨都是與Jonathan的新歌《你最好》度過：「因為時差關係，我日日凌晨3、4點就醒咗，事實上我又未剪好Jonathan隻曲，所以成隻歌帶去英國，每日早上3、4點開始聽同做，就咁度過5日倫敦行程。」

新歌落足心機

Eric與Jonathan去年合作的兩首歌都十分滿意，因此今年又再乘勝追擊。他們為了製作令歌迷耳目一新的新歌，更遠赴台灣找作曲人陶山作曲，而Eric則由眾多歌曲中選出《你最好》，為其監製及填詞。對於Eric的勞心勞力，Jonathan說：「佢仲要為我搵新嘅音樂形象，就好似我老竇咁。」而Eric則透露，今次新歌有別於廣東歌的編曲，因此會給大家新鮮的感覺。