歌手巫啟賢將於4月2至4日假演藝學院舉行《Back to Innocent重回巫啟賢演唱會》，今次個唱可算最考功力，因會在現場收音錄成發燒碟，每首歌的演出都不容有失。巫啟賢表示個唱將會貫徹平實作風：「可能我花巧唔起，我清楚樂迷對我嘅要求係『感動我』， 而唔係『攪亂我』。你諗吓，如果唱《太傻》時我吊威吔，又彈煙花，大家又點感動？」

巫啟賢有意到《我是歌手3》參賽。

提到近期紅爆的內地節目《我是歌手2》，巫啟賢點名讚鄧紫棋（G.E.M.）有性格，他亦心思思想加入《我3》：「因為個舞台好有魅力，樂隊太正，我有種任何嘢都想試嘅心態，時間得我就去！」