無綫藝員石天欣參與電影《黑色喜劇》，片中飾演童菲及「香蕉」王淑玲的姊妹，同屬「武打世家」的她們經常內訌，其中一場戲石天欣與香蕉打到碌落樓梯，要化重傷妝，石天欣說：「第一次碌樓梯，要慢動作咁做，之後由後製變快鏡，但原來兩個人用慢速咁碌都幾困難，啲位要夾到好準。（拍喜劇忍到笑？）冇問題，喺TVB都成日拍搞笑節目！」主攻公仔箱的她只拍過邵氏電影，對於年多前拍攝的《黑》片終上映有期，表示興奮，雖然戲份不多，但她希望有更多機會拍戲，又不忘讚伯樂導演錢國偉：「佢平時好似成日玩咁，但一做嘢就好認真、好嚴肅。」

石天欣（右）與王淑玲化重傷妝，準備一齊碌落樓梯。