樂壇生力軍Fabel由盧祝君（Lolo）及馮慶聰（Jimmy）組成，二人日前趁工作空檔分別到日本旅遊「叉電」。談到旅遊見聞？Lolo興奮自爆入住藥丸酒店：「好正！張床好細同好窄。（有壓迫感？）係，好似緊抱住我咁！瞓大床反而寂寞！」至於Jimmy則豪擲四位數字買樂器：「買咗個電子合成樂器去創作新歌！」修讀美術的Lolo亦「唔執輸」，表示有份操刀製MV：「會用一啲我拍嘅片段。（咁多才多藝？）我會自製擺設，例如剪低遮上面嘅花紋為公仔縫衫。」Jimmy則笑指拍檔係「垃圾婆」：「佢成日執嘢返屋企擺，不過佢啲『垃圾』就唔臭嘅！」Lolo即搞笑自爆擇偶條件：「養我好簡單，佢淨係幫我丟嘢就OK！」

Lolo到日本旅行，愛上藥丸酒店的細小床位。

Jimmy（右二）與友人旅日，Shopping亦與音樂有關。

藥丸酒店的細小床位。