無綫藝員楊潮凱在劇集《守業者》中飾演四少，因二姐康華被殺而患上創傷後遺症，最終更被揭發原來是真兇，角色相當關鍵！對於演慣陽光男孩的他，這次挑戰甚大，他直言看了很多犯罪心理學及相關病症的資料作參考：「創傷後遺症有唔同階段，由失憶到慢慢記得，再到唔敢接受自己，我希望做到唔同層次，因為拍攝會跳拍，要好清楚每場戲嘅狀態，難度都幾高！」他在拍攝期間刻意不抽離角色，長期處於沉鬱狀態，嚇壞家人及當時未結婚的太太：「好多外國演員長期喺角色入面，我想知自己可以去到幾盡，嗰排專登唔好太開心，返屋企都鎖埋門，有抑鬱徵狀，好在我本身開朗，拍完好快恢復！」

楊潮凱努力演出創傷後遺症角色，望洗甩陽光男孩味。