唐詩詠在新劇中扮演活躍乖巧的「大話妹」呃人，角色在後期轉變極大，情路沉重淒美而又充滿波折，唐詩詠拿手好戲「哭斷腸」得以發揮。

唐詩詠新劇中角色活躍，開工時要經常講嘢，保持高漲情緒。

唐詩詠從邵美琪（右二）身上「偷師」，獲益良多。

唐詩詠自言性格比較多愁善感，故拍攝喊戲沒有難度。

唐詩詠平日做慣受保護角色，今次飾演「大話妹」，挑戰演技。

唐詩詠一直飾演楚楚可憐及受盡保護的細妹角色，但今次在無綫新劇《守業者》中，她卻演繹活躍乖巧的「大話妹」角色，她說：「唔知點解，之前多數都係做楚楚可憐嘅角色，自己都容易掌握嘅。今次做一個比較活躍嘅角色，自己平時都比較靜，所以嗰排開工會刻意活潑啲，講多啲嘢保持情緒。」

主動向邵美琪偷師

觀眾大可放心，《守業者》並沒有埋沒喊得之人唐詩詠的「天分」。她透露劇中感情線發展後期陷入沉重難以抽身的地步：「角色後期好淒美，喊戲好多，我份人其實好多愁善感好易喊，劇本寫得好好，所以都好易入戲喊得出。」

唐詩詠與邵美琪（Maggie）在劇中有不少對手戲，從邵美琪身上獲益良多的唐詩詠說：「Maggie平時都幾Cool，但同佢由食嘢打開話題之後變得好好傾，自己都有請教佢演戲心得，佢仲特別叫我留意講對白要清楚。同埋我留意到Maggie好少睇Playback，佢演戲好隨心所欲。」