陳慧琳、鄭伊健及梁家輝合演李志毅新片《盜馬記》，電影遠赴捷克布拉格和倫敦取景，製作認真。鄭伊健與陳慧琳自電影《東京攻略》後，相隔十多年再度合作，鄭伊健認為陳慧琳有所改變：「佢依家肯表達自己多啲，以前佢雖然積極，但好收埋自己。可能佢畀壓力自己變成乜都唔去講，又可能佢成日匿埋一邊背日文對白。今次再合作，覺得佢會接受外界意見，加上今次劇本好多嘢要改，大家都要接受新事物。」而陳慧琳則解釋：「當時好多日文對白要講！可能嗰時電影經驗太少未掌握到，所以一到片場就睇劇本。依家梗係唔同晒嘞！好享受成部電影。」她坦言跟梁家輝合作獲益良多。問到為何接拍這部電影，梁家輝說：「同陳慧琳合作《迷離夜》覺得好好玩，感覺到佢有好多未曾發揮過嘅特質。嗰時拍攝時間太短，所以好想再同佢合作！而伊健自從佢出道第一部戲後就冇再碰面，所以呢部戲個組合好好玩！」

陳慧琳表示與梁家輝拍戲獲益良多，又開心能與伊健相隔十年再次合作。