樂迷拒買黃牛

一名24歲的陳先生跟友人在中環大會堂排了兩晚通宵，開售時他約排在第100位，陳先生攜着寫上「五迷堅拒黃牛」的巨型紙牌，他說：「我哋早兩日開始排隊，尋日保安話我前面有三十幾人，點知今朝突然有成五十人喺前面插隊，我哋作為歌迷只有叫大家唔好買黃牛。」問到可有投訴排隊打尖？他表示有朋友在將軍澳票站排隊，該處有人投訴兼報警求助，因為據他所知該處沒有安排排隊位置，他說：「聽講將軍澳嗰邊售票處都閂咗。」他估計黃牛黨主攻尾場前排位來炒賣，他說：「我哋買邊場都冇所謂，只求一票，好似上次美國巨星Lady GaGa來港開騷，啲師奶、阿婆都炒飛，我哋會盡量買飛，再喺歌迷會原價讓番畀歌迷。」所以陳生與朋友買完一輪，再重新排隊撲飛。