妹妹仔Add上門胡蓓蔚怪老公太型

藝人胡蓓蔚昨日為無綫節目《年代大激鬥》擔任嘉賓，提到老公單立文（豹哥）早前生日，她自爆未有送禮物，只是請食生日飯：「唔得閒揀禮物，佢都好開心，因為依家成日出入監獄（拍《再戰明天》），去呢啲咁Grand嘅地方反差好大。」近日豹哥榮登「美魔男」，胡蓓蔚打趣說個「朵」很好聽：「呢排都有好多十幾歲嘅『鐵粉』Add我老公，祝佢生日快樂，仲齊齊講『我係小三』，怪我老公太型！」雖然有美埋身，但她知道老公工作非常忙碌，所以不怕他「曳曳」。