霆鋒事業得意，妹妹謝婷婷卻情場得意！她昨日出席化妝品活動，提到今次網上廣告由男友兼導演戴尚安（Sean）操刀，品牌高層竟踢爆是婷婷推薦Sean參與拍攝！男友雖未能到場，但秘密錄短片給婷婷，令她十分感動，又表示與Sean在商業上首次合作，感覺特別又開心。問到是否很享受情侶檔搵錢？婷婷說：「做嘢有默契。（特別放心由佢拍攝？）佢知我邊個角度靚。（佢話你紅唇最Sexy！）嗰個Look我都鍾意。（合作後對佢加分？）一定有！（嫁得過？）有加分，同佢一齊做嘢好開心。（確定佢男友身份？）畀多少少時間，如果係會話你哋知，佢唔係幕前，唔好嚇走佢。」

謝婷婷

Sean因工作缺席，但事前秘錄短片冧女友，婷婷邊睇邊甜笑！

問到是否已有默契至同居關係？她則笑着否認同居，有傳母親狄波拉不太喜歡Sean，婷婷笑說：「同之前嗰個又話佢唔鍾意，同依家呢個一齊，又話佢鍾意之前嗰個。（媽咪見過男友？）見過，冇咩評語，但佢OK。」並表示哥哥霆鋒未見過她的男友。