任達華牛一艷福無邊

影帝任達華（Simon）昨日59歲生日，愛妻琦琦為他舉行迷你生日會，相約一班模特兒好友歐陽妙芝、洪華及高軍等為他慶祝，眾人向Simon獻上香吻，艷福無邊。Simon與琦琦穿上牛仔情侶裝到場，大晒恩愛，Simon表示甚少慶祝生日，平時多數與家人食飯：「原定今晚開工，突然劇組取消，可以同阿女慶祝。」對於被取笑今年有很多美女相伴，他說：「好難得，全城美女盡出。（有乜生日願望？）最緊要有奇迹，希望馬航奇迹出現，機上嘅人可以安全，我所有朋友都會為佢哋祈禱。」問到太太琦琦送了甚麼生日禮物？他說：「佢送咗一粒方形石畀我，因為佢啲朋友話買鑽石好過買樓，其實最後粒石又係佢用。（幾多卡？）心意啫！幾大都冇所謂。（阿女送咗禮物未？）佢親手整咗張生日卡畀我，同埋今早送咗一束花畀我。」