苗僑偉（三哥）、梁靖琪（Toby）和許紹雄等昨日到九龍城為無綫劇集《使徒行者》拍攝追逐場面。提到同劇演員沈震軒拍劇跌斷手，曾拍劇引致韌帶撕裂的Toby說：「呢套劇都幾多事發生，有問候佢，但未清楚佢傷勢，拍攝進度點都會有影響，好彩係有幾條主線，或者可以拍住其他人先。」她又稱劇中有不少爆炸、追逐場面，但她沒有發生意外。

三哥和Toby在街頭拍攝追逐戲，表情恍似如臨大敵。

許紹雄（右）和林偉跑到上氣唔接下氣。

對於沈震軒是頂替因病辭演的森美，三哥說：「佢都幾黑仔，可能要休息一兩星期，應該唔會再換人，可能拍住啲文戲先。我唔喺現場，好似話拍踩單車戲跌落地受傷，隻手裂咗骨要鑲螺絲做手術。（為劇集拜神？）之前已經拜咗，大家小心啲啦！拍得動作戲受傷在所難免，做到就親身上陣，之後我有啲撞車戲都用替身。」