無綫藝人莊思明（Lisa）前晚在微博自爆拍攝外景期間手（月爭）被布景燈膽所傷，她透過電話訪問大爆與「燈膽」有仇：「已經第二次畀燈膽『辣』親，上次只係紅咗，但今次仲甩埋皮！（同燈膽有仇？）係！好痛，淨係貼咗膠布，點知『噏』住仲流埋膿！」問到家姐莊思敏有否關心她？Lisa指家姐叮囑她要清理傷口：「我有話畀佢知，佢教我要仔細啲清理傷口。依家我買咗紅藥水消毒。（傷及（月爭）難痊愈？）係，郁親同擦親都會痛，下次一定會小心啲！」
