黎明「愛將」文詠珊（Janice Man，JM）昨晚為Ted Baker春夏時裝騷擔任打頭陣及壓軸模特兒，盡顯一姐地位！她透露久未行騷，對上一次是與舊老闆娘樂基兒同台行騷。

手持氣球的JM偕羅仲謙齊齊為時裝活動行騷。

問到有否與回港的樂基兒聯絡？她說：「佢有整啲首飾嘅相畀我睇，好靚，我好鍾意！我都好支持佢。」

提到樂基兒自認佔有欲強，她說：「喺我心目中佢係一個好Sweet嘅女仔，好熱情！（你佔有欲強？）邊方面？（對另一半。）呢方面冇咁癲，我會緊張男友，但未至於佔有欲強，兩個人相處一定要有空間。」

另外，有份行騷的羅仲謙透露早前為古裝劇增肥，故現要戒食澱粉質及跑步減肥。提到緋聞女友楊怡被指為他整容變後生，他說：「喺我心目中佢根本就係靚女，唔需要！（你講過嫌人老？）梗係唔會！同佢合作好榮幸。（愈嚟愈襯？）佢同馬國明襯啲！我都有睇《守業者》，覺得佢同馬明喺《On call 36小時》好襯。（接唔接受女友為你整容？）我在乎思想同諗法，唔注重外表，我都冇可能到50歲都咁嘅樣。」