【黎志輝深圳傳真】劉嘉玲昨晚以中性打扮在深圳出席《世紀櫻花娛樂傳媒公司九周年慶典晚宴》。談到憑《過界》勇奪「大阪亞洲電影節2014」影后，嘉玲難掩興奮之情，透露前晚已與老公梁朝偉及友人慶祝獲獎：「好開心，如果當日能夠親手領獎會更加開心。呢套電影低成本又冇收片酬，今次攞獎係台前幕後工作人員嘅誠意，可以畀中外更加關注呢部電影，得獎比收片酬更加重要。」而有指她曾拿馬航事件與謝霆鋒、王菲復合「相提並論」，她說：「其實我冇動氣，網絡世界係咁o架啦！好彩依家都有平台可以講番自己感覺。」

劉嘉玲及古巨基齊齊盛裝出席活動。

吳千語以大露背裝示人，十分性感！

此外，羅霖、蔡少芬及吳千語等亦有出席，以Tube Dress示人的羅霖相當「澎湃」，身上飾物更閃爆吸睛，但她直言平日不會佩戴真鑽飾到內地工作。對於前夫劉坤銘被拍得「有美同行」，她說：「細仔打過畀佢，問佢點解同個姐姐一齊，佢話去開會喎！個仔就覺得開會點解要去商場呢？小朋友真係天真。」而聲沙沙的蔡少芬自爆是帶囡囡溜冰所致：「呢樣嘢我唔曉，仲要逞強同個女講會保護佢，實情係自己驚到飛起，淨係識大叫。」