何韻詩日前自爆早年曾拒絕男友人的追求，誰知對方轉頭竟與她的暗戀對象「撻着」，矛頭直指曾與她傳緋聞的劉浩龍（師兄）。師兄聞言後嚇到彈起，勁大反應說：「唔會係我啩？我冇追過佢喎！唔係咁搞笑呀？」

師兄昨日到電台宣傳新歌，心情大好。

師兄自爆白色情人節冇表示，未知祖兒有冇詐型呢？

有傳師兄曾追求阿詩，但遭對方拒絕。

歌手劉浩龍昨日到電台宣傳新歌，提到何韻詩早前在無綫節目中自爆，曾請一位男追求者「食檸檬」，對方其後竟與她的暗戀對象交往，令人聯想到同師兄有關！師兄昨日得悉後大嚇一跳，其後笑說：「唔會係我啩？我冇追過佢喎！」至於有否與阿詩拍過拖？師兄「O晒嘴」話：「唔係吓話？唔係咁搞笑呀？我唔知佢講邊個，我冇睇呀！返去睇吓先！」

另外，聲沙沙的師兄表示因通宵拍MV，令整個人勁「吽」又沙聲，問到是否被女友容祖兒傳染？他笑說：「乜聲沙都有得傳染嘅咩？」

他又透露早前在澳門拍戲時不慎弄傷右膝舊患，照X光發現半邊身「歪咗」，他說：「隻腳打咗柴，醫師叫我退出跑壇，等肯亞徐（徐濠縈）補上，我就轉戰泳壇，整番好條尾龍骨先。」談到他與女友齊齊受傷，問到祖兒有否安慰他？他說：「我傷啲。」

白色情人節冇表示

至於問到在剛過去的白色情人節有否送禮物給祖兒？他自爆：「冇喎！我哋好簡單o架咋！（已經老夫老妻？）邊有咁老呀！」