王祖藍主演的電影《黑色喜劇》前晚舉行首映禮，女主角「晶女郎」童菲上圍激盪疑似真空，莊思敏及楊思琦亦低胸上陣，「寸嘴Barbie」夏尉喻則勁騷事業線，還不時俯身晒料，令祖藍笑指不敢亂望，並表示眼中只有女友李亞男，問到為何不帶女友到場？他說：「費事佢眼冤呀！張海報我除晒衫咁，怕佢以為我唔知拍咩戲，其實我仲係好乖！」

有備而來的童菲（右）與莊思敏，拋胸搶鏡。

首映禮上「峰」芒四射，難怪祖藍黐實密實撐場的苟芸慧啦！

出力谷胸的Barbie自稱冇攝Pad，更「揚威台灣」。

而Barbie日前在台灣出席另一新片記者會，與多名台灣辣妹包括「雞排妹」鄭家純等同台，仍被當地傳媒封為「香港奶神」，她直言受寵若驚：「我冇攝Pad，只係想打扮靚啲，畀人讚都開心！（拍戲時會更性感？）留番畀地頭蟲發揮，我負責搞笑。」

無綫高層樂易玲則率領苟芸慧、王君馨、何雁詩及麥長青等撐祖藍，場面熱鬧！此外，祖藍胞弟王亦藍疑因違例駕駛被扣十分後，未有依照指示修讀駕駛改進課程，案件昨日在九龍城法院提訊。