現年39歲的吳彥祖早前靠節食及跑步暴瘦至148磅，勁減30磅的他在新片大騷Fit爆身材，穿上泳褲仔向觀眾大派「冰淇淋」，盡晒六舊腹肌和胸肌的佳績，健碩身形非常有睇頭！

吳彥祖穿上泳褲在泳池邊大晒肌肉，甚有睇頭！

吳彥祖的背肌上血漬斑斑，在戲中逐漸踏入「成魔」之路。

吳彥祖與廖啟智於新片中大鬥演技。

型男吳彥祖早前偕影帝張家輝、思漩等合拍英皇電影《魔警》，戲中飾演警員的吳彥祖被「悍匪」家輝逼到精神崩潰，最終踏上成魔之路。

導演林超賢下令吳彥祖在開拍前減30磅。經過六星期的地獄式減肥，吳彥祖由178磅激減至148磅，他自言39歲還有腹肌很難得，更笑稱可當瘦身代言人：「最重要係忍到口，特別係戒糖、澱粉質，我成三個星期冇掂過平時最鍾意食嘅壽司同火鍋，仲要一星期跑三次10公里！」

為入戲變「孤獨精」

林超賢亦「識做」地安排一場泳池戲，讓吳彥祖大騷Fit爆身材。穿上泳褲仔的他坐在泳池邊大晒胸肌及六舊腹肌，讓觀眾們可以大飽眼福！

雖然吳彥祖很滿意自己的收身成果，但他說：「其實一下子暴瘦對健康唔太好，拍攝時精神都好憔悴，但導演話咁樣好入戲。」思漩大爆吳彥祖拍攝認真，為了營造「成魔」效果，不惜利用放滿香燭的大煙筒將雙眼熏至通紅！吳彥祖坦言這是入行以來最辛苦的電影：「喺片場我唔會同人哋傾偈同玩，我覺得自己好孤獨、好辛苦，但呢種委屈、孤獨、孤僻係角色需要。」