模特兒徐綺雯（Candy）日前為代言的絲襪品牌拍攝廣告硬照，大騷42吋長腿！不過原來她小時候十分矮小，至中三、四暑假被媽媽逼游水，才突然長高。Candy十分滿意其一雙白滑美腿，並大談保養心得：「每日做基本護膚，我天生冇水腫，又唔食味精。」她透露現時工作不算忙碌，主力做賢妻：「我同老公成日去旅行，之前去完濟州、悉尼同新西蘭，嚟緊朋友結婚，今個月會去上海，六月就去意大利。」結婚兩年的她仍像剛新婚，問到老公做過最甜蜜的事？她甜絲絲說：「佢買咗個網站畀我，入面擺我啲相，個網站係我英文名candychoi.com。」

為了保養42吋長腿，徐綺雯對味精說不！